Velkommen til ein hyggeleg prat over ein kopp kaffi og noko godt å bite i!
Kvar onsdag kl 15.00- 17.00 i kommunestyresalen på Smia.
Frivillige vertar steller i stand med pådekking, nykoka kaffi og kaffimat. Vi byr på eit variert program, noko for ein kvar smak. Programmet for komande månad vert publisert i slutten av inneværande månad via plakatar i sentrum og på facebooksida til Hornindal frivilligsentral.
50,- kroner betalast kontant ved oppmøte. Dette dekkjer mat, program og evt. utflukter for brukarane av tilbodet.
I sommarmånadane juni, juli og august er det ikkje seniortreff. Då spelar vi Boccia i Groparken onsdagane kl 13. Dette er ope for alle, krev ingen forkunnskap og er gratis å delta på!
